Побарувачката за нафта ќе стагнира за 10 години

8

Светската побарувачка за нафта умерено ќе се зголемува до крајот на 2030 година, по што би можела да почне да се намалува, објави Организацијата на земјите извозници на нафта (OPEC – Organization of the Petroleum exporting countries), предвидувајќи големо промени под влијание на трајните последици од коронакризата врз економијата и потрошувачите, пренесува Al Jazeera.

Според проекциите на ОРЕС, се наведува дека употребата на нафта ќе порасне на 107,2 милиони барели дневно до 2030-та година, од овогодишните 90,7 милиони, што е за 1,1 милион под минатогодишните прогнози за следните 10 години и дури 10 милиони барели помалку во однос на проекциите од 2007-ма година.

“Глобалната побарувачка за нафта ќе расте по релативно здрава стапка во текот на првиот дел од прогнозираниот период по што ќе почне да стагнира и да се намали во втората половина од анализираниот период“, покажува извештајот што се однесува на период од 2019-та до 2045-та година.

Се очекува потрошувачката за нафта да биде под нивото на претходните проекции поради долгорочните последици од мерките што беа преземани за запирање на ширење на Ковид-19.

Иако употребата на нафтата како гориво за автомобили, камиони и во индустријата ќе расте како што ќе закрепнува економијата, ОРЕС е загрижен дека тој раст во иднина ќе биде неутрализиран преку работа од дома и телеконференции наместо одење на работа во посткорона периодот.

Фото: Freepik