Познатиот хрватски бизнисмен, директор на Виндија, Драгутин Дрк (84), почина денеска во Вараждин, објави компанијата. Дрк на чело на Виндија беше повеќе од 50 години.
Тој беше мнозински сопственик и единствен член на Управниот одбор на Виндија.
Од 1993 до 1996 година беше член на Градскиот совет во Вараждин, а од 1997 до 2000 година беше заменик градоначалник.
“Тој помина повеќе од 50 години на чело на Виндија, создавајќи локален и регионален лидер за храна. Од самиот почеток на неговата кариера, тој имаше визија за развој на силна домашна и регионална компанија, со комплетен циклус на производство, инспирирајќи ја деловната заедница, партнерите и соработниците“, стои во компаниското соопштение.
Денес Виндија вработува скоро 3.700 лица.
Фото: Facebook
