Почнува со работа новата развојна банка на BRICKS

4

brics

Новата банка за развој, којашто ја основаа земјите членки на BRICS, започна со работа во Шангај, пишува BBC.

Зад основањето на оваа банка стојат Бразил, Русија, Индија, Кина и Јужна Африка, познати под заедничкото име BRICS.

Целта на оваа банка ќе биде финансирање на инфраструктурни проекти во земјите членки на BRICKS, како и во земјите во развој. Се очекува банката да биде една од најголемите мултилатерални развојни институции со капитал од 100 милијарди долари.

Банката е алтернатива на Светска банка и на Меѓународниот монетарен фонд, иако од BRICS велат дека Развојната банка не претставува ривал на овие глобални финансиски институции.

“Нашата цел не е да го промениме постоечкиот систем, туку да се подобри и дополни системот на наш начин“, изјави претседателот на Новата развојна банка, Кундапур Ваман Камат.