Одлуката на Европската унија да ја прекине продажбата на нови автомобили на бензин и дизел во 2035 година беше поздравена во некои земји, додека во други не се согласуваат со неа, односно сакаат на кој било начин да ја оспорат.
Полска оди на суд каде ќе се обиде да ја оспори оваа одлука. Полската министерка за клима, Ана Москва, во понеделникот најави дека владата ќе поднесе жалба против прописите до највисокиот суд на ЕУ во наредните денови. Полска не се согласува со овој дел и со другите области од програмата на ЕУ за заштита на климата Fit for 55.
Според одлуката на ЕУ, новите автомобили повеќе не смеат да испуштаат CO2 од 2035. Веќе во 2030 година тие мора да бидат 55 отсто под нивото на емисија од 2021 година. Германската влада наложи новите автомобили со мотори со внатрешно согорување сè уште да можат да се регистрираат доколку работат исклучиво на горива без CO2 – таканаречени е-горива.
Полска е загрижена за цената и достапноста на автомобилите за просечните граѓани.
Фото: Pexels
