Полската компанија Merkury Market е во завршна фаза на преземање на 16 трговски центри Emmezeta во Хрватска и Србија од LCN Capital Partners во трансакција вредна околу 120 милиони евра, потврди Слободан Школник, претседател на Управниот одбор на Emmezeta Balkans, пренесува Јутарњи лист.
Emmezeta во Србија има пет стоковни куќи, а во 2019 година оствари приход од 29 милиони евра.
Merkury Market е основан во 1991 година, прво се прошири од родната Полска во Словачка и ја засили својата регионална експанзија во 2015 година со купување на 18 трговски центри Baumax во Чешка.
Сега, со еден потег, ќе се прошири во Хрватска и Србија.
Сопственикот на Merkury Market, Јан Папиерк редовно се рангира меѓу 100 -те најбогати Полјаци според списанието Форбс, наведувајќи дека тој е милијардер кој започнал бизнис во родното Кросно во 1991 година со отворање магацин за градежни материјали, а во моментов има 20 трговски центри само во Полска.
