Германскиот Порше во петокот објави пад на оперативната добивка од 30 отсто во првиот квартал, наведувајќи ги повисоките инвестиции поради планираните иновации во палетата на луксузни возила за оваа година.
Оперативната добивка во првите три месеци од 2024 година изнесуваше 1,28 милијарди евра (1,9 милијарди долари), во согласност со проценката на LSEG, додека продажбата во периодот достигна 9,01 милијарди, надминувајќи ја прогнозата од 8,77 милијарди, пренесува Ројтерс.
„Во предизвикувачко опкружување, ние остануваме на курсот и решително ја следиме нашата стратегија“, се вели во соопштението на извршниот директор на Porsche, Оливер Блуме, кој исто така ја предводи матичната компанија на Porsche, Volkswagen.
Германските производители на автомобили се борат да ја оживеат побарувачката во Кина, при што испораките на нивниот најголем пазар заостануваат зад конкурентите БМВ и Мерцедес и Порше кои забележаа пад од 24 отсто во кварталните испораки.
Шефот за финансии на Porsche, Луц Мешке, рече дека иако побарувачката во Кина останува предизвик, компанијата нема да прави компромиси со маржите за да ја избегне ценовната војна што го зафати локалниот пазар.
