Не можете да кажете дека сè е во рози за Порше во последно време, бидејќи се справува со опаѓање на продажбата, високи царини во САД и силна конкуренција од електрични возила во Кина. Се зборува за целосна промена на стратегијата, запирање на проектот за електричните модели 718 Boxster и Cayman и долгоочекуваниот SUV со три реда седишта. „Аутомотив њуз“ пишува дека за сè е виновна претерано агресивната и нефлексибилна стратегија за електрификација. Индустрискиот портал го цитира Фабио Хелшер, аналитичар во „Варбург рисрч“, кој вели дека целта на „Порше“ да стане 80 проценти електричен бренд до 2030 година е во сржта на проблемот, пишува Ревија ХАК.
– Бидејќи усвојувањето на електричните возила заостанува, Porsche сега мора да развива дополнителни модели со мотори на согорување – изјави Хелшер за Automotive News.
Во февруари, Порше отпушти 1.900 работни места во истражувањето и производството во Германија. Сега целите за приходи од продажба за 2025 година се намалени за околу 2 милијарди евра, а дополнителни 8.000 работни места се во опасност, пишува Automobilwoche. Во Кина станува сè потешко да се наметнеш бидејќи дури и скапиот електричен Taycan има поевтина, сериозна конкуренција.