Официјалната регистрација за Глобалниот инвестициски самит за Македонија, што од 8 до 10 октомври годинава ќе се одржи во Охрид завршува денес.
Заучество на самиот досега се имаат пријавено 180 македонски и странски компании од сите сектори. Учесниците ќе разговараат за бизнис можностите, инвестициите, конкурентноста, конкретни проекти, конкретни успешни примери, како и за меѓусебна соработка.
Во агендата на самитот се предвидени пет панелни дискусии на тема Конкурентност на Македонските компании, билатерални состаноци на учесниците и настани за поврзување: Гала вечера, коктели и хуманитарен концерт.
За време на самитот, ко-соновачот на инвестицискиот фонд СЕАФ Хубертус ван Дер Ваарт, ќе објави и детали за инвестицискиот фонд СЕАФ Македонија 1. Неговите пласмани ќе бидат наменети за мали и средни претпријатија (МСП) со развојна компонента.
Проектираниот инвестициски капитал е 15 милиони долари, а голем влог во истиот има и македонската дијаспора. При конституирање на фондот основната мисија е да се поддржат македонските МСП како најзначаен развоен сегмент во македонската економија.
Повеќе детали и пријавување на учество, компаниите можат да добијат на веб страницата на самитот www.mgisummit.org или да го контактираат организаторот, Македонија 2025 со своите прашања на +389 2 3218 631.
