Годишната инфлација во Турција дополнително се намали во август и достигна 52 отсто по 61,8 отсто во јули, покажуваат официјалните податоци. Цените на производите за широка потрошувачка во август се зголемени за 2,5 отсто во однос на истиот месец.
Според податоците на турскиот завод за статистика, на инфлацијата во август најмногу влијаеле повисоките цени на образованието, недвижностите и услугите во хотелите и рестораните, резимира француската новинска агенција АФП.
Минатата година, турската централна банка почна да ги зголемува каматните стапки за да се бори против растот на цените, потег на кој долго време се противеше претседателот Реџеп Таип Ердоган.
Во октомври 2022 година, годишната стапка на инфлација во Турција достигна 85 проценти. Во јуни минатата година забави на 38,2 отсто, но потоа повторно забрза. Во мај годинава беше на 75 отсто, но во јуни повторно почна да паѓа.
Турската централна банка очекува до крајот на оваа година инфлацијата да падне на 43,3 отсто.
Турската влада во јули годинава поради борбата против инфлацијата не ја зголеми минималната плата, која изнесува околу 450 евра, откако претходните две години работеше на тој чекор.
Независни економисти велат дека турската инфлација е повисока од официјалните проценки и достигна 90,35 отсто, пренесува АФП.
