Пред 20 години заработуваше 10 долари месечно, а денес е милијардер

111

Џек Ма пред 20 години заработуваше по 10 долари месечно, а денес е во ранг на милијардери со Гејтс и Цукерберг.

Според последните податоци на американскиот бизнис магазин Форбс, неговото богатство се проценува на 25,5 милијарди долари и се наоѓа на 57 место на листата на најбогати луѓе во светот.

„Пораснав учејќи за Кина како најбогата и најсреќна земја во светот. Првпат ја напуштив земјата во 1985 година. Отидов во Австралија со пријатели со кои се допишував. Кога стигнав таму, си помислив: „О Боже, се е сосема поинаку од она што ми го кажаа“. И тогаш почнав да размислувам поинаку“, вели Џек Ма (49), основач и сопственик на Alibaba, една од највредните компании, во едно интервју.

Порано беше професор по англиски јазик на кинески универзитет. Заработувал околу 10 долари месечно, но не успеал да се вработи како помошник менаџер во KFC.

Со помош на пријател од САД научил како се прави веб-страница. Тој беше еден од првите во Кина што дури знаеше дека постои Интернет.

Истата година позајмил пари за да основа онлајн реклами, во кои подоцна кинескиот Телеком инвестирал 185.000 долари. Неколку години подоцна, во 1999 година, му требаа два часа да убеди 18 луѓе да инвестираат во првата онлајн продавница во Кина.

Иако не ги разбирале повеќето работи што им ги кажал, му дале 60.000 долари. Така ја основал една од највредните компании на светот денес.

Зошто  ја именува компанијата по лик од арапска приказна?

Седев во едно кафуле во Сиетл и ми дојде на ум приказната за Али Баба. Ја прашав келнерката дали знае за приказната и таа ми рече ‘секако’. Ми се допадна како име за компанијата па веднаш тргнав надвор од кафулето и на улица „Прашав десетина луѓе дали знаат кој е Али Баба, а сите знаеја. Американци, Германци, Индијци, а потоа се одлучив за тоа име бидејќи е препознатливо за сите“,  раскажа Ма.

И уште пред да стане најбогатиот Кинез на светот, тој призна дека никој, па ни неговото семејство, не верува во неговиот успех.

Подоцна ќе станат познати неговите изјави дека немањето амбиција е виновна за беспарицата на луѓето.

„Има работи во светот кои се навидум неразбирливи, но не постои ништо што не може да се направи. Силата на вашата амбиција е одлучувачка за вашата иднина“, ја објасни својата филозофија Ма.

Тој заклучи дека „луѓето се виновни ако имаат 35 години и немаат пари“. Тој ги издвои и причините зошто луѓето се неуспешни. Првата е дека не ги гледаат или потценуваат можностите што им се нудат, не ги разбираат другите и не реагираат доволно брзо.

Ма тврди дека најголемата разлика меѓу шефот, односно лидерот и вработениот е тоа што вработениот има повеќе вештини, додека лидерот размислува подолгорочно, подобро го поднесува притисокот и има визија.

На прашањето кој е неговиот модел, Ма не го спомна Бил Гејтс или други техно-магнати.

„Навистина ми се допаѓа Форест Гамп. Го гледав тој филм најмалку десет пати. Всушност, секој пат кога сум фрустриран, гледам во тоа“, изјави тој за CNBC.

Како и Гамп во филмот, Џек Ма не се истакнал на училиште и често се чувствувал погрешно разбран. Како што објасни, тој може да се поистоветува со Форест бидејќи ништо што доживеал не го променило како личност.

Ма важи за многу повлечена личност и досега е објавена само една фотографија од неговото семејство.