Прилепска Пиварница – 90 години производство на македонско пиво

18

prilepska-pivarnica

Прилепска пиварница прославува 90 години постоење на пазарот и изградена препознатливост на брендовите. Овој значаен јубилеј ќе биде одбележан со активности во текот на целата година.

Една од најавените активности ќе биде и пивската академија на која што гости говорници ќе бидат пивски експерти и сомелијери од познати школи за пиварство од европските земји. Академија како и останатите активности во текот на јубилејната година ќе бидат во насока на промовирање на културата на пиење пиво, одговорноста и свесноста при консумирање на овој златно жолтеникав пијалак.

„Од почетокот во 1924 година па се до денес, Прилепска Пиварница се движеше и растеше преку унапредување на производството во секој аспект за денес да биде една од петте пиварници на Балканот со најсовремен технолошки процес. Со деведесет години позади нас, имаме многу наследено знаење, но тоа не би значело ништо доколку не инвестираме во тековните состојби, не го унапредуваме производството континуирано и не го стимулираме развојот. Тоа што работиме во еден од најкомпетитивните сегменти не мотивира за поголеми резултати“, изјави Сашко Самарџиоски, генерален менаџер на Прилепска Пиварница.

prilepska 1Со производство на пет сопствени брендови, Златен даб, Крали Марко, овошните нектари Блум и соковите Газоза и Портоколада, лиценцното производство на светските брендови Pepsi, Mirinda и 7UP, како и дистрибуцијата на Tuborg и Carlsberg, кои се едни од најквалитетните светски пива, Прилепска Пиварница важи за еден од најмодерните производни капацитети на Балканот. Годишниот капацитет на пиварата е 500.000 хектолитри пиво годишно.

За постигнување на конзистентен висок квалитет на производите, Прилепска пиварница го држи чекорот со најсовремените светски достигнувања во техниката и технологијата. Само во последните десетина години инвестираше повеќе од 30 милиони евра во унапредување на квалитетот на производството, во опрема за обработка на вода, во варилница за пиво, во опрема за бескиселгурна мембранска филтрација, во опрема за одлежување, матурација и стабилизација на пивото, инвестиции во нови производи, како и во нова линија за полнење на пиво и газирани пијалаци во стаклена амбалажа. Сето тоа со единствена цел, постигнување на висококвалитетен производ.

Зголемување на производството, проширување на дејноста, имплементирање на современи производни практики и доставување на совршено квалитетен производ влегуваат во идните планови на Прилепска пиварница.