Изминатите неколку години не беа одлични времиња за „супер богатите“ во Кина, особено за оние кои го изградија своето богатство на некогашниот жешки пазар на недвижности.
Нето вредноста на кралот на недвижностите Хуи Ка Јан, претседател на развивачот на недвижнини China Evergrande, падна за речиси 93 отсто, според индексот на милијардери на Блумберг. Некогаш Јан се сметаше за втор најбогат човек во Азија, денес неговото богатство падна од 42 милијарди долари на околу 3 милијарди долари.
Евергранд сега е најзадолжениот кинески инвеститор со обврски од 300 милијарди долари и е во центарот на кинеските проблеми со недвижностите. Почнувајќи од 2021 година, Хуи Ка Јан го искористи своето лично богатство за да поддржи компанија на добар пат кон банкрот.
Тој ги продаде своите вили и приватни авиони, но тоа беше далеку од доволно и Евергранд не ги исполни обврзниците во американски долари во декември 2021 година, по неколкумесечни обиди да собере пари за да ги отплати доверителите, добавувачите и инвеститорите.
Минатата година, фирмата не успеа да го исполни својот прелиминарен план за реструктуирање на долгот, што доведе до дополнителна загриженост за нејзината иднина. Компанијата Евергранд е огромна, има околу 200.000 вработени, постигнала повеќе од 110 милијарди долари во продажба во 2020 година и поседува повеќе од 1.300 објекти во повеќе од 280 градови.
Но, Хуи не е единствениот кој неодамна доживеа масовно уништување на своето богатство. Илон Маск, извршен директор на Tesla, SpaceX и Twitter, стана првиот човек кој изгубил 200 милијарди долари богатство. Најголем дел од богатството на Маск е поврзано со Тесла, чии акции паднаа за 65 отсто во 2022 година
