Продажбата на LVMH подобра од времето пред пандемијата

9

Продажбата на луксузни производи во рамки на конгломератот LVMH во првите три месеци од оваа година имаше огромен раст, надминувајќи го истиот период во 2019 година.

Во одделот за мода и производи од кожа, продажбата се зголеми за 52% во споредба со првите три месеци од минатата година, пренесува Bloomberg. Аналитичарите очекуваа раст од 30%. Во услови на криза, најдобри резултати покажуваат брендови како што се Dior и Louis Vuitton.

Вкупните приходи на компанијата се зголемија за околу 30% на нешто повеќе од 14 милијарди евра, иако се очекуваше тие да изнесуваат 12,7 милијарди евра.

Пазарите во САД и Азија забележаа голем раст, што не е случај со Европа којашто е силно погодена од пандемијата.

Акциите на LVMH минатата година, иако беше означена како пандемиска кризна година, забележаа пораст од 71%.

Фото: Pexels