Продажбата на Volkswagen падна за речиси една четвртина поради недостиг на чипови

48

Германскиот автомобилски гигант Volkswagen објави дека продал четвртина помалку возила во првите пет месеци од оваа година поради недостиг на чипови отколку во истиот период минатата година. Во периодот од јануари до мај се продадени 3,07 милиони возила, според VW.

Така, продажбата е намалена за четвртина, а истиот процентуален пад е забележан и во последниот месец од тој период, со продадени 658.000 возила. Недостигот на микрочипови создава проблеми, а продажбата на важниот кинески пазар дури сега почнува да се опоравува од ефектите на „заклучувањето“, истакнуваат од компанијата.

Но, ситуацијата со микрочиповите и продажбата во Кина треба да се подобри до крајот на годината, вели извршниот директор Херберт Дис. Во Западна Европа продажбата паднала за 22,9 отсто, а во Кина за 23,8 отсто. Главниот бренд VW продаде 23,3 отсто помалку возила, но Škoda забележа уште поголем пад, за дури 39,3 отсто.

Продажбата на Audi падна за 21,3 отсто, а продажбата на Porsche за 10,4 отсто. „Traton“ продаде значително повеќе камиони и автобуси од MAN, Scania, Navistar и јужноамериканскиот бренд VW Caminhoes e Onibus, со стапка на раст од 15,8 отсто, само затоа што VW го вклучи Navistar во САД од јули минатата година.

Без „Navistar“, и „Traton“  ќе запишеше пад, покажуваат податоците.