Компанијата Виталиа која долги години се грижи за здравјето на македонските граѓани, отсега со своите производи го освојува и далечниот бразилски пазар. Од неодамна повеќе од 30 производи под брендот Виталиа се достапни во Бразил, и тоа позиционирани на полиците на премиум супермаркетите, во категоријата на здрава и функционална храна.
“Извозот во Бразил за нас е огромен успех кон освојување на нови пазари. Вклучувајќи ја и оваа јужноамериканска држава, производите на Виталиа се достапни во 31 земја ширум светот. Ова е уште една потврда дека Виталиа создава врвни производи според светски стандарди препознатливи со својот квалитет и оригиналност. Отсега и темпераментните Бразилци ќе можат да уживаат во бенефитите и вкусот на македонскиот продукт со предзнак здраво”, велат од Виталиа.
Веста е одлично освежување, особено во периодот на мундијалската фудбалска треска која цел месец го освојува светот. Продуктите на Виталиа со уникатниот вкус, некарактеристичен за јужноамериканскиот простор, почнаа да ги освојуваат жителите на Бразил исто онака како што секојдневно ги освојуваат и македонските граѓани – нудејќи им врвно задоволство и здравје.
