Според податоците на Државниот завод за статистика, во февруари 2024 година, продажните цени на производителите на индустриски производи на странските пазари на месечно ниво се повисоки за 0.8 %, а на годишно ниво се пониски за 2.3 %.
Во февруари 2024, во споредба со јануари 2024 година, продажните цени на производителите на индустриски производи на странските пазари се повисоки во секторот Рударство и вадење на камен за 2.2 %, а во секторот Преработувачка индустрија за 0.7 %.
Во февруари 2024, во споредба со февруари 2023 година, продажните цени на производителите на индустриски производи на странските пазари се пониски во секторот Рударство и вадење на камен за 13.2 %, а во секторот Преработувачка индустрија за 1.7 %.
