Производството на нафта во Канада би можело да се зголеми за осум отсто до 2025 година

38

Канадското производство на нафта би можело да порасне за осум отсто до 2025 година, според аналитичарите на RBN Energy.

Според Ројтерс, експертите очекуваат канадското производство на сурова нафта да се зголеми за 175.000 барели дневно оваа година и за уште 200.000 барели дневно следната година.

Нафтените компании сега, кога ситуацијата во оваа гранка на индустријата е доволно подобрена, можат да инвестираат пари во растот на производството, смета аналитичарот на RBN Energy, Мартин Кинг.

Канада лани произведувала рекордни 4,86 ​​милиони барели нафта дневно, а аналитичарите очекуваат дополнителен раст поради поголемото производство на нафта во канадската провинција Алберта.