Пролонгиран рокот за осмиот ИПАРД повик до 30 септември

14

4478malaРокот за осмиот јавен повик за користење средства од ИПАРД Програмата што требаше да заврши денеска е пролонгиран до 30 септември.

Како што велат од Платежната агенција, рокот е продолжен со цел да им се излезе во пресрет на потенцијалните корисници за подготовка на квалитетни апликации, како и да се овозможи ефикасно искористување на ИПАРД средствата.

Инаку средствата од ИПАРД Програмата предвидени со повикот се наменети за инвестиции на земјоделски стопанства за нивно преструктуирање и надградба за достигнување на стандардите на Европската унија, инвестиции за преработка и маркетинг на земјоделските и рибните производи со нивно преструктуирање и надградба за достигнување стандардите на Европската унија, како и за диверзификација и развој на руралните економски активности.

Целата потребна документација за подготовка и поднесување барања, како и упатства за корисниците на ИПАРД, може да се преземат од интернет страницата на Агенцијата www.ipardpa.gov.mk или www.pa.gov.mk, или лично, во приемницата на Агенцијата и во нејзините најблиски регионални центри или работни единици, секој работен ден од 8:30 до 16:30 часот.