Од втори ноември започнува промотивната понуда – без надоместок за одобрување потрошувачки и станбени кредити во ТТК Банка и ќе трае до 31.12.2015 година.
“Супер станбениот кредит ТТК Банка го нуди со атрактивна фиксна каматна стапка од 2,95% во првите три години, односно 6,45% прилагодлива годишна каматна стапка за останатиот период без надоместоци за аплицирање и проценка за првата година, со грејс период до 12 месеци, 10% сопствено учество и без надоместок за предвремена отплата со сопствени средства“, се вели во соопштението.
Супер станбениот кредит, како што се наведува, е наменет за купување на нов/стар стан, куќа, деловен простор од физичко или правно лице, за изградба, доградба или надградба на станбен или деловен простор како и за рефинансирање на постоечки станбен кредит.
“Премиум старт ненаменскиот потрошувачки денарски кредит, без надоместок за одобрување до 31.12.2015 година, Банката го нуди со фиксна каматна стапка од 6,1% во првата година, односно 8,3% прилагодлива годишна каматна стапка за останатиот период, за износи до 900.000 денари, без жиранти, во зависност од месечните примања“, се додава во соопштението.
За отплата во денари со ЕУР клаузула, ненаменскиот потрошувачки кредит Банката го нуди со фиксна каматна стапка од само 5,9% во првата година, односно 7,5% прилагодлива годишна каматна стапка за останатиот период, за износи до 15.000 евра, со рок на отплата до 10 години.
