Хрватскиот хотел Парк Плаза Арена е првиот хотел што на своите гости ќе им овозможи да ја отворат вратат од својата хотелска соба или апартман со помош на апликација за мобилен уред, пишува Пословни дневник.
Хрватската компанија за туристички услуги во хотелите, туристичките населби и кампови Аренатурист минатата година ја разви бесплатната апликација PPHE Croatia за гостите во хотелите Парк Плаза Хистриа, Парк Плаза Арена и Парк Плаза Верудела. Преку апликацијата тие ги имаат сите потребни информации поврзани со престојот во хотелот, како и можност за комуникација на персоналот со своите гости.
Оваа година, апликацијата оди уште еден чекор подалеку, нудејќи можност за електронско отворање на вратата од хотелската соба со само еден клик на мобилниот уред.
