Многу газди како да чекаа да помине периодот на корона и заштитните мерки – само за да ги вратат работниците во канцеларија. Велат, на тој начин можат подобро да „следат“ што прават.
Повеќето од овие лидери се длабоко убедени дека работата во канцеларија е „место на чесност и етичко однесување“ на вработените, додека работата на далечина (од дома) – наводно – владее беззаконие.
Тешко е да се каже дали е тоа вистина, бидејќи на двете места може да има злоупотреба.
Покрај тоа, една неодамнешна студија што треба да биде објавена во списанието Европски финансиски менаџмент сугерира дека приказната за канцеларијата како „чувар на работничкиот морал“ добива пресврт.
Излегува дека банкарите кои работат од дома поставуваат повисок етички стандард од нивните колеги во канцеларијата.
Иако шефот на Тесла и Твитер, Илон Маск, го нарече работењето од дома „морално погрешно“, и иако водечките светски банки исто така не веруваат во неговата ефикасност, овој резултат би можел да се одрази во идните барања на JP Morgan и Goldman Sachs.
Со други зборови, со барање банкарите да се вратат на работа, тие можеби несвесно ја отвораат Пандорината кутија.
Ова откритие произлезе од детална анализа на податоците од една од петте најголеми банки во Велика Британија. За време на едногодишниот период на изолација, авторите на студијата се фокусираа на извештаите за „недолично однесување“ во компаниите кои вработуваат 162 трговци.
Излегува дека трговците кои работат од дома – имале само 7,3 шанси да предизвикаат предупредување за недолично однесување, во споредба со нивните колеги кои ревносно оделе на работа; таму процентот на шанси изнесуваше неверојатни 37,6 проценти.
Накратко, несоодветното однесување беше демонстрирано во канцелариите 5 пати повеќе отколку во работничките домови. Но, потребно е точно да се дефинира што е „неетичко“ однесување, бидејќи во студијата под тој поим е вклучено и зевањето.
Фото: Freepik
