Сезонски прилагодениот буџетски дефицит на еврозоната се искачи на 3,3 проценти од бруто домашниот производ (БДП) во вториот квартал од 2026 година, од 3,2 проценти во претходниот квартал.
Дефицитот на Европската Унија, во истиот период, се зголеми на 3,5 проценти од БДП, од 3,1 процент, според прелиминарните податоци од Европскиот завод за статистика – Евростат.
Вкупните приходи во еврозоната изнесуваа 46,8 проценти од БДП, во споредба со 46,9 проценти во првиот квартал од 2026 година, додека вкупните расходи се зголемија на 50,1 процент од БДП, во споредба со 50 проценти.
Во Европската Унија, вкупните владини приходи се намалија на 46,3 проценти од БДП, во споредба со 46,4 проценти во претходниот квартал, додека расходите се зголемија на 49,8 проценти од БДП, во споредба со 49,6 проценти.
Сезонски прилагодените државни приходи во апсолутна вредност во вториот квартал од оваа година се зголемија за околу 21 милијарда евра во еврозоната и 25 милијарди евра во ЕУ. Во исто време, расходите се зголемија за околу 28 милијарди евра во еврозоната и 42 милијарди евра во ЕУ.