Расте извозот на производи од македонски компании во „ЛИДЛ” маркетите насекаде во Европа

Премиерот Христијан Мицкоски посочи дека има нагорен тренд на извозот производи од македонски компании во „ЛИДЛ” маркетите насекаде во Европа и потенцираше дека доколку се сака се може.

„Извозот кој што е сега добар, да речеме има нагорен тренд се дуплира, очекуваат од неколку стотини илјади евра во 2022 година, на два и пол милиона 2023 година, сега е 2024/2025 пет или шест милиони да биде извоз на производи од македонски компании во „ЛИДЛ” маркетите насекаде во Европа да биде зголемен, да биде 10, 50 зошто да не и 100 и ценам дека доколку се сака се може”, кажа премиерот.

„Очекувам дека македонските производители заедно со раководството на компанијата „ЛИДЛ” ќе работат во насока на постигнување на квалитетот, на нормите што ги побарува компанијата за цена којашто е прифатлива за македонските граѓани”, рече премиерот Мицковски и додаде:

„Компанијата е тука присутна веќе повеќе години. Од тоа што ни беше презентирано, повеќе од стотина милиони евра веќе се инвестирани и наша цел е од процентот којшто ни беше претставен дека ќе бидат застапени македонски производи на рафтовите на компанијата, тој процент да дојде многу скоро до 50 проценти, сега не би зборувал кој е тој процент, но е далеку од тоа ние што го очекуваме како Влада. Ние очекуваме минимум 50 проценти таму да има производи македонски на тие рафтови од македонски компании”, подвлече Мицкоски.

Можеби ќе ве интересира и...MORE FROM AUTHOR