Растот на руската економија го „изненади“ Меѓународниот монетарен фонд (ММФ), со оглед на санкциите воведени кон Москва поради војната во Украина.
Во јануари ММФ прогнозираше дека руската економија ќе порасне за 2,6 отсто оваа година поради големите воени и лични трошоци поддржани од растот на платите. Минатиот октомври тие очекуваа раст со стапка од 1,1 отсто во 2024 година, што сега го предвидуваат во 2025 година.
„Тоа е воена економија. Голем дел од руската економија се воените трошоци, што го стимулира производството“, рече во четвртокот во Вашингтон Џули Козак, директорка за комуникации во ММФ.
Значајните социјални трансфери помагаат и на потрошувачката, додаде Козак, предупредувајќи на знаци на „прегревање“ на економијата, како што е зголемената инфлација.
Во среднорочна перспектива, растот треба да забави, имајќи го предвид исклучувањето на Русија од меѓународниот финансиски систем, ограничениот пристап до технологијата и губењето на дел од висококвалификуваната работна сила, вели тој.
Сите овие фактори значително ќе влијаат на растот и перспективите на економијата на среден рок, заклучи претставникот на ММФ.
