Рено ќе продолжи да нуди мотори со внатрешно согорување во следната деценија заедно со електричните возила. Стратегијата „две нозе“ ја откри извршниот директор на брендот, Фабрис Камболив.
Се надева дека пристапот ќе му овозможи на производителот на автомобили да одговори на трендовите на пазарот по забавувањето на продажбата на електрични возила.
За разлика од другите, Renault беше релативно претпазлив во објавувањето на своите амбиции за ЕВ. Уште во 2022 година, извршниот директор на групацијата Лука де Мео предвиде дека европската постава на Рено ќе се состои исклучиво од електрични возила до крајот на деценијата, но додаде дека тоа ќе зависи од условите на пазарот.
Пошироко, компанијата објави дека не предвидува свет во кој бензинските и хибридните возила ќе претставуваат помалку од 40 отсто од пазарот во 2040 година.
Како што пишува „Ревиjа ХАК“, сега се чини дека Рено ги ревидирал своите планови. Зборувајќи за „Automotive News Europe“ на салонот во Женева, Камболив изјави дека марката ќе продолжи да произведува бензински и хибриди во секој сегмент. Затоа, 2030 година повеќе не е граница кога Renault ќе ги прекине бензините и хибридите (а можеби и дизелите).
Во меѓувреме, новиот електричен Renault 5 има листа на чекање со повеќе од 50.000 имиња.