Rolls-Royce го претстави првиот од само четирите специјално изработени Droptail модели кој го носи името La Rose Noire
Каросерискиот оддел на Rolls-Royce го претстави своето најново ремек-дело за време на неделата на автомобили во Монтереј, ултра ексклузивниот модел Droptail. Ограничен на само четири единици ширум светот, автомобилот претставен во Калифорнија е првиот од тие четири и е познат како La Rose Noire.
La Rose Noire Droptail зема инспирација од француската роза позната како Black Baccara, омилен цвет на мајката на семејството која го нарачала овој специјален модел. Обоена е во уникатна црвена завршница која е дизајнирана да изгледа речиси како црна во сенка, но има бисерен црвен сјај под сонцето. Rolls-Royce ја направи оваа специјална боја со комбинирање на две нијанси на црвено што ги нарекува True Love и Mystery.
За разлика од Rolls-Royce Sweptail и Boat Tail, Droptail не се базира на истата платформа Architecture of Luxury како Cullinan, Ghost и Phantom и наместо тоа има нова монококна шасија направена од челик, алуминиум и карбон. Иако основите се нови, погонската единица е 6,75-литарски V12 со двојни турбо полначи на марката, кој испумпува 600 КС и 840 Nm вртежен момент. Иако кај автомобил како овој перформансите на права линија се во втор план, сепак вреди да се истакне дека спринтот до 100 км/ч се достигнува за помалку од 5 секунди пред да ја достигне максималната брзина од 250 километри на час.
Уникатниот надворешен дизајн веднаш го разликува Droptail од сите други модели на Rolls-Royce. Предниот дел е релативно конвенционален со голема хромирана решетка и тенки LED фарови со дневни светла. Каросеријата потоа усвојува мазен и течен дизајн по страните, изострен до задниот дел со комплет задни светла за разлика од сите други што сме ги виделе од марката досега. Rolls-Royce, исто така, го опреми Droptail со стилски спојлер и привлечна покривка. Има дури и отстранлив покривен панел направен од карбон што вклучува електрохромни панели.
Ексклузивен и луксузен ентериер
Rolls-Royce ја опишува внатрешноста како „највпечатлив елемент“ на автомобилот. Биле потребни речиси две години за да се усовршат сложените уметнички дела кои претставуваат израз на ливчиња од роза што паѓаат, индивидуално изработени од 1.603 парчиња црн дрвен фурнир. Седиштата се обложени во комбинација од црвената True Love и Mystery црвена кожа додека во центарот на контролната табла се наоѓа специјално изработен часовник од Audemars Piguet. Овој хронограф од 43 mm вклучува црвени бројачи и црвена внатрешна рамка и има летечки хронограф. Интересно е што часовникот може да се откачи со притискање на копче и да се носи на раката.
Како тоа да не е доволно, семејството што го нарачало автомобилот нарачало и еднократен шампањски ковчег Rolls-Royce за да одговара на автомобилот. Овој сандак за шампањ може да се отвори со притискање на копче и вклучува рачно изработени кристални чаши за шампањ и сад за сервирање.
Rolls-Royce не кажа колку ќе чини секој од четирите модели на Droptail, но според некои извори секој од нив ќе чини околу 25 милиони долари.
Преземено од Avtoplus.mk
