Романскиот производител на автомобили, дел од француската групација Renault, започна со производство на својот прв електричен модел Dacia Spring.
Почетната цена на Dacia Spring е 18.100 евра, но државата обезбеди грантови за своите граѓани во висина од 10.400 евра, па крајната цена за купувачите е 7.700 евра.
Така овој модел стана најефтиниот електричен автомобил во Романија. На пример, Германија го субвенционира купувањето на електрични автомобили со 9.570 евра. Од друга страна, според AutoExpress, Dacia Spring е најефтиниот електричен автомобил во својата категорија во Европа. Титулата ја презема од моделот Seat Mii Electric чија цена е 23.000 евра.
Интересот меѓу романците е огромен. Dacia на 20 март ја отвори можноста за пријавување за овој модел, чии испораки ќе започат во септември, а примила повеќе од 1.500 нарачки за својот прв електричен модел, само во првиот час. За споредба, тоа е вкупниот број на електрични автомобили продадени во Романија во целата 2019 година.
Фото: Facebook
