Романската нафтена компанија OMV Petrom соопшти дека донела одлука да влезе во проектот „Neptun Deep“ каде заедно со партнерската компанија Romgaz ќе започне експлоатација на гас од Црното Море.
Според романските медиуми, проектот Neptun Deep се очекува да испорача вкупен бруто волумен од приближно 100 милијарди кубни метри природен гас.
Првото производство на природен гас е планирано за 2027 година, а по вкупните инвестиции во развојот на проектот до четири милијарди евра, пренесува Банкар.ме.
Со овој деловен потег, Романија ќе стане најголемиот производител на гас во ЕУ, како и најголемиот нето извозник на гас.
„OMV Petrom, најголемата интегрирана енергетска компанија во Југоисточна Европа, заедно со партнерот Romgaz, донесе одлука за развој на проектот Neptun Deep. Оператор на проектот е OMV Petrom со удел од 50 отсто“,стои во соопштението.
За амбициозниот проект зборуваше и извршната директорка на компанијата, Кристина Верчере.
„Со конечната одлука за проектот Neptun Deep, влегуваме во развојна фаза на офшор проект во длабоки води во Романија. Ова е важен чекор напред во реализацијата на стратегијата на компанијата 2030. Наш предлог до акционерите останува да ги зголемат инвестициите, да ја зголемат профитабилноста како и дивидендите“, рече Верчере.
Фото: facebook
