Во даночната пријава за сопствениците на фирми во Словенија постои рубрика “поткуп”, пишува словенечки Дневник. Весникот наведува случај на словенечки претприемач чие име и е познато на редакцијата, кој се изненадил кога во формуларот за пријавување на данокот ја видел оваа рубрика.
Иако е малку веројатно дека некој сам ќе се пријави дека земал поткуп, за што ќе добие пет години затвор и парична казна, во даночната управа тврдат дека рубриката е воведена држејќи се за Законот за данок на личен доход на претпријатијата.
Даночната управа тврди дека тој закон дозволува и можност за “самопријавување” на корупција во работењето. Во такви случаи, од претприемачот се очекува во образецот под број 6.15 да ги впише трошоците од давање поткуп и други видови на противправна корист, а не да ги прикаже како оправдан трошок кој би му ја намалил даночната основа, пишува Дневник.
Даночните власти не сакале да дадат информација дали некој воопшто ја пополнил таа рубрика.
