Цените во Русија нагло пораснаа на крајот на 2024 година и почетокот на 2025 година, бидејќи капацитетите во индустријата и услужниот сектор повторно заостанаа зад побарувачката, соопшти централната банка, наведувајќи ги новите санкции и слабата жетва како двигатели на инфлацијата.
Потрошувачките цени во Русија минатата година пораснале во просек за 9,5 отсто, а до 27 јануари годишната стапка на инфлација пораснала на 10,13 отсто, открила статистичката служба.
Зголемување на цените
Домаќинствата проценуваат дека цените во јануари биле за 16,4 отсто повисоки во однос на истиот месец минатата година, а за 15,9 отсто во декември, пренесе агенцијата ТАСС, повикувајќи се на истражување спроведено за Руската централна банка од компанијата ИнФОМ.
Во ноември и октомври, според согледувањата на домаќинствата, тие се зголемени за 13,4 отсто, а во септември за 12,5 отсто.
ИнФОМ го спроведе истражувањето од 14 до 23 јануари, анкетирајќи 2.000 испитаници во 55 руски региони, јави ТАСС.
Руската економија забрза кон крајот на годината во услови на зголемени буџетски трошоци, забележа централната банка во својот билтен во февруари.
„Затоа личната потрошувачка остана на високо ниво, и покрај бавното кредитирање на домаќинствата и високата стапка на штедење“, додаваат тие.