Централната банка на Русија (БР) објави дека од денеска до крајот на 2023 година ќе го прекине купувањето на странски валути на рускиот пазар.
Во соопштението на банката на Телеграм се додава дека рускиот регулатор ќе продолжи со купувањето според механизмот на правилото за буџетот во согласност со ситуацијата на финансиските пазари.
Според Комерсант, оваа одлука била сосема очекувана и нејзиното значење е јасно – Централната банка на Русија не сака да врши дополнителен притисок врз ослабената рубља.
Според податоците на Московската берза, вредноста на руската валута вчера падна во однос на еврото и доларот на најниско ниво од март 2022 година.
Вчера еврото се продаваше за повеќе од 97 рубљи, а доларот ја премина границата од 107 рубљи. Ефектот од оваа БР мерка на девизниот пазар ќе биде пред се психолошки, наведува рускиот весник.
Минатиот четврток Министерството за финансии на Русија објави дека Банката на Русија ќе го искористи вишокот приход од нафта и гас за јули во износ од 40,5 милијарди рубљи за купување на девизи од 7 август до 6 септември.
Поради падот на рубљата, оваа набавка беше прекината по само три дена како дел од буџетското правило.
