Индустрискиот инженер од Србија, Петар Вуковиќ, освои награда на престижниот американски конкурс за дизајн на автомобили – Michelin Challenge design. Тој стои зад дизајнот на Rutsio, чии тркала можат да се ротираат и хоризонтално и вертикално, пишува Танјуг.
“Главната карактеристика на автомобилот е можноста тркалата да се ротираат вертикално и хоризонтално. Центарот на ротацијата на осовината се наоѓа во шасијата и за предниот и за задниот дел од автомобилот, додека центарот на вертикалната ротација на тркалата се наоѓа на самото тркало“, вели 29-годишниот Вуковиќ.
Тој ја доби наградата во конкуренција од над 1.000 уметнични дизајнери од целиот свет.
Rutsio се уште ја има само виртуелната верзија, па се очекува во иднина да развие и вистински прототип на овој автомобил. Неговиот дизајн ќе биде претставен од 13 до 16 јануари следната година на еден од најголемите саеми за автомобили во Детроит.
