САД воведоа царини од над 200 проценти за увоз на цевки од Русија

49

Американското Министерство за трговија воведе тарифи од над 200 проценти за увоз на неколку видови челични цевки од Русија. Целта на новите царински стапки за увоз се стандардни бесшевни цевки изработени од јаглерод и легиран челик од Русија, Јужна Кореја и Украина.

Увозот на руски цевки сега подлежи на данок од 209,72 проценти, во исто време царинските давачки за корејски цевки изнесуваат вкупно 4,44 проценти, прилагодени за надомест на субвенции за извоз, додека тарифата за увоз за украински цевки е фиксна на 23,75 проценти, го пренесе „Russia Today“ соопштението објавено на веб-страницата на Федералниот регистар на американската влада.

Американските власти најавија план претходно овој месец за оданочување на увозот на некои челични цевки. Одлуката беше донесена откако Американската комисија за меѓународна трговија (ИТЦ) утврди дека американските производители претрпуваат загуби поради увозот на цевки по цени кои, како што тврдат, се „под фер нивоата“.

„Увозот на бесшевни цевки од Русија, Украина и Јужна Кореја „предизвикува материјална штета на американската индустрија“, се наведува во соопштението на ИТЦ.

Оваа најнова американска мерка ќе влијае на големите руски производители на челични цевки, како што е металуршката компанија за цевки, фабриката за цевки Волжски.

Минатата година, извозот на руски цевки во Соединетите држави изнесуваше 41 милион долари, а извозот во првите пет месеци од 2021 година, 21 милион долари, покажуваат податоците на Американското биро за статистика.