Саудискиот гигант и Кина се договорија за голем нафтен проект: Кина ќе има огромна рафинерија за нафта

85

Saudi Aramco потпиша договор со кинеските партнери за проект за рафинерија и петрохемиски комплекс во североисточна Кина вреден 12,2 милијарди долари, кој треба да започне со работа во 2026 година.
Проектот во градот Панџин во провинцијата Лиаонинг ќе биде втора голема инвестиција за рафинирање и петрохемија на Арамко во Кина, а договорот беше потпишан откако најголемиот светски извозник на нафта објави рекорден профит во 2022 година од 161 милијарда долари.

Заедничкото вложување Huajin Aramco Petrochemical Company (HAPCO) ќе изгради рафинерски комплекс за преработка на 300.000 барели дневно, кој годишно ќе произведува 1,65 милиони тони етилен и два милиони тони параксилен, објави саудиската компанија.

Проектот се очекува да чини 83,7 милијарди јуани (12,2 милијарди долари), соопшти партнерската група Panjin Xicheng Industrial во неделата.

Нешто повеќе од половина од акциите во новиот комплекс ќе има кинескиот производител на воена опрема NORINCO Group, Aramco 30 проценти, а Panjin Xincheng 19 проценти.

Изградбата на комплексот ќе започне во вториот квартал откако ќе се обезбедат потребните административни одобренија за проектот, соопшти Арамко. Се очекува фабриката да биде целосно оперативна до 2026 година.

Арамко ќе испорачува до 210.000 барели сурова нафта дневно до комплексот.

Фото: Facebook