Предизвикот на кафулето Corner Café во близина на Бристол, Monster mega challenge, сè уште никој не го прифати, пишува на официјалната Facebook страница на кафулето.
Овој предизвик е поставен на почетокот на годината, а станува збор за мега оброк којшто содржи 8.000 калории и 59 парчиња храна.
Оброкот за предизвик чини околу 20 евра и содржи два омлета со по три јајца, сланина и колбаси. На тоа се додаваат уште пржени компирчиња и печурки, похован кромид, чајна, тостови, две пржени лепчиња, грав и домати, како и енергетски пијалак или милкшејк.
Оние кои ќе го прифатат овој ризик ќе имаат час и половина да го изедат оброкот, појадокот не смеат да го делат, мора да имаат повеќе од 18 години и да престанат да јадат штом почувствуваат дека им е лошо.
Наградата за тие кои ќе го исполнат предизвикот ќе биде ваучер за бесплатен појадок, а ќе имаат чест нивна фотографија да се најде на “ѕидот на шампионите“, како и мал трофеј и приврзок за клучеви.
