Фото: Pexels
Недостатокот на добра комуникација во меѓучовечките односи е погубен за продуктивноста на работното место. Експертите тврдат дека уметноста на однесување кон колегите е од иста важност како талентот што го поседувате и смисолот за извршување на работните задачи. Во продолжение следуваат основните правила за меѓучовечки односи на работното место:
Опуштете се
Излезете од својот ресор и понекогаш помогнете им на другите околу нивните обврски. Сторете го тоа без да го побараат од вас, сами понудете се.
Ценете го туѓиот труд
Некои работници мислат за себе дека се најдобри и дека никој не може да ја сработи работата толку добро како нив. Немојте да бидете такви. Верувајте во способностите на другите луѓе.
Признајте ја грешката
Нема да пропадне светот ако сте одговорни за некаква грешка. Признавањето на грешката не спаѓа во најпријатната работа што треба да ја направите, но пожелно е на работа да имате коректен и фер однос. Тоа значи да признаете кога ќе погрешите.
Пофалете ги другите
Кога сакате некого да пофалите за завршената работа и вложениот труд, немојте да кажете само “добро сработено”. Бидете специфични во пофалбите и покажете дека сте свесни за она што го сработил колегата.
Стојте си на зборот
Не ветувајте работи за кои однапред знаете дека нема да ги исполните. Вашиот кредибилитет зависи од вашите зборови. Ако колегите немаат доверба во вас, нема далеку да стигнете со кариерата.
Покажете благодарност
Кога колегата ќе ви направи услуга или ќе заврши некоја задача за вас, ценете го неговиот труд. Најдобро е културно да се заблагодарите и да понудите услуга за возврат.
Бидете промислени
Немојте да мислите дека луѓето од вашето работно опкружување ќе ги толкуваат вашите зборови од изразот на лицето. Зборувајте внимателно и мислете на она за што зборувате.
