Расте бројот на компании во Европската унија (ЕУ) што користат социјални медиуми. Во текот на минатата година, една од две компании во ЕУ (50%) користеле најмалку еден вид на социјален медиум, што е пораст за 16 проценти поени за разлика од 2014-та година (34%).
Најмногу социјални медиуми користат компаниите во: Малта (84%), Данска (75%), Холандија (74%), Кипар (73%), Шведска (72%), Белгија, Ирска и Финска (по 71%).
Од друга страна, помал интерес за користење социјални медиуми имаат компаниите во: Романија (33%), Бугарија (34%), Полска (37%), Унгарија (38%), Латвија (41%) и Словачка (42%).
За нашата земја последните податоци на Eurostat се од 2016-та година и покажуваат дека 53% од компаниите во земјава користеле социјални медиуми.
Фото: Pexels
