Индустриското производство во Соединетите Американски Држави е намалено за 0,6 отсто во октомври во однос на септември, покажуваат податоците на Федералните резерви (ФЕД). Главна причина за падот е штрајкот на работниците во автомобилската индустрија, кој веќе заврши.
Аналитичарите од Волстрит очекуваа пад на индустриското производство, но помалку. Во исто време, ФЕД ги ревидираше податоците за септември надолу, од 0,3% раст на 0,1% контракција.
Производството во преработувачката индустрија во октомври е намалено за 0,7 отсто на месечно ниво, додека производството во автомобилската индустрија е намалено за десет отсто. Од октомври минатата година, производството во преработувачката индустрија падна за 1,7 отсто.
Производството во снабдувањето со енергија падна за 1,6 отсто во октомври, откако веќе падна за 0,6 отсто во септември. Производството во рударството, кое вклучува екстракција на нафта и гас, е зголемено за 0,4 отсто.
Искористеноста на капацитетот на американскиот индустриски сектор падна од 79,5 отсто во септември на 78,9 отсто во октомври.
