De Beers Corporation, светскиот лидер во трговијата со дијаманти, значително ги зголеми цените на своите производи поради големата побарувачка. Пазарната вредност на помалите дијаманти се зголемила најмногу, според „Bloomberg“, кои се повикуваат на нивните извори запознаени со ситуацијата.
Побарувачката на потрошувачите за накит со такви скапоцени камења покажа значително зголемување минатата година во услови на ограничени залихи, соопшти агенцијата. De Beers ги зголемуваше цените на дијамантите во поголемиот дел од 2021 година, и ако тогаш зголемувањето влијаеше главно на поголемите и поскапи камења, сега фокусот е променет.
„De Beers ги зголеми цените за околу 8% на првата аукција од годината… Најголемите поскапувања беа за помалите и поевтини камења“, објави Bloomberg. Агенцијата забележува дека порастот на цените е еден од најагресивните во последните години.
Извори на агенцијата прецизираат дека цените на поголемите дијаманти се зголемени за околу 5%, а на некои помали за 20%.
Портпаролот на De Beers одби да коментира за Bloomberg.
De Beers International Corporation се занимава со екстракција, преработка и продажба на природни дијаманти, како и производство на синтетички дијаманти за индустриски цели. Основана e во 1888 година во Јужна Африка.
