Германскиот индустриски конгломерат Сименс објави подобри од очекуваните квартални резултати и оцени дека е во добра позиција да ги балансира растечките геополитички и трговски тензии.
Во следната фискална година, менаџментот на компанијата очекува раст на приходите во опсег од три до седум проценти, нешто послаб од целта за фискалната 2024 година од четири до осум проценти. Најголемите ризици се однесуваат на неизвесноста околу економската политика на Трамп, политичките турбуленции во Германија и слабото расположение на потрошувачите, што особено се чувствува во деловниот сегмент поврзан со автоматизација на фабриките, пренесува Momentum.rs.
Раководството на компанијата оцени дека минатата фискална година „била под влијание на геополитичката и макроекономската несигурност“ и дека „времињата нема да бидат полесни по изборите во САД и актуелната политичка ситуација во Германија“.
Како одговор на овие предизвици, компанијата се фокусираше на силна локална ориентација на сите три најважни пазари (САД, Германија и Кина), развивајќи локални производи и користејќи повеќе компоненти од локални добавувачи.
