Скоро секој втор вработен сака промена во кариерата

19

Скоро половина од вработените размислуваат за значајни промени во кариерата следната година, покажува анализата на Microsoft Work Trend Index. Тоа, меѓу останатото, е последица од пандемијата, којашто на пазарот на труд донесе многу предизвици. Во истражувањето 54% од учесниците пријавиле дека се “гушат“ од работата што во тој момент ја работат.

Во изминатите 18 месеци, освен предизвици на работа, вработените во текот на пандемијата се соочија и со други стресови: грижа за блиските, урамнотежување на работните обврски со грижата за децата, како и чувството на осаменост поради намалените социјални контакти.

Во исто време, бројот на состаноци, мејлови и видео разговори драматично се зголеми со работата од далечина.

Според податоците на Microsoft, корисниците на Teams во февруари оваа година поминале 148% повеќе време на состаноци. Ова време и понатаму има нагорен тренд. Испратени се 40,6 милијарди мејлови повеќе одошто во истиот период лани. Корисниците на Microsoft Teams воделе за 45% повеќе разговори во текот на неделата, а бројот на луѓе кои работат со Microsoft Office е зголемен за 66% за една година

Истражувањето се базира на податоци на 30.000 вработени ширум светот и податоците се од системот Microsoft 365 и LinkedIn.

Фото: Pexels