Словенечката компанија ETI ќе им плати по 70 евра на сите работници кои ќе се вакцинираат против коронавирусот, јавува агенцијата Хина.
Фирмата којашто се занимава со производство на електрични уреди и опрема ќе биде прва во Словенија што се одлучила финансиски да ги стимулира работниците да се вакцинираат.
Мерката ги опфаќа не само редовно вработените, туку и оние кои се привремено ангажирани преку агенции за вработување, а потребно е само до средината на август да докажат дека се вакцинирани.
“Со ова сакаме финансиски да ги стимулираме нашите вработени да се вакцинираат и да обезбедиме безбедно окружување за работниците“, рекол Томаж Бергинц, директор на компанијата.
Додал дека нивната компанија извезува дури 90% од своите производи, поради што не може да си дозволи големи прекини во производството поради боледување на работниците.
Вакви слични финансиски стимулации вовеле и големи корпорации од типот на Starbucks, McDonald’s, Aldi и Lidl.
Фото: Pixabay
