Поради пандемијата од коронавирусот, словенечките пиварници имаат најмалку 100.000 литри пиво со поминат рок на пазарот. Ова го објави Здружението на словенечки пивари и ја повика владата за итна помош.
Станува збор за пиво во буриња кое било наменето за угостителскиот сектор. Пиварите предлагаат ослободување од акцизите и надомест за уништување на оваа стока, пренесува SEEbiz.
Како што истакнаа од Здружението, пиварството е една од најзагрозените индустрии во земјата, а сегашната државна помош не е доволна за опстанок, особено на помалите пиварници.
Тие предлагаат укинување на акцизите за алкохолот во 2021 година, како и отплата на заостанатите побарувања од угостителскиот сектор, надомест за производите на кои им истекол рокот бидејќи секторот за угостителство и туризам е затворен и надомест за фиксни оперативни трошоци.
Фото:Pixabay
