Словенија планира да воведе оданочување на криптовалутите по стапка од 10%

23

Финансиската управа на Република Словенија (ФУРС) предложи донесување на нов закон со кој, како што велат, ќе се поедностават даночните прописи во врска со криптовалутите. За разлика од претходната практика, кога профитот се оданочуваше при тргување со криптовалути по различни стапки во зависност од тоа дали некој ги тргува, „копа“ и слично, Словенија предлага поедноставен закон да се вгради во нова одредба.

Предмет на новиот данок би бил износот на пари уплатен на трансакциската сметка на лицето, што ги „искеширало“ криптовалутите. Освен при купување, криптовалутите би се оданочувале при трансакции во кои се плаќа со нив за некоја стока.

Затоа, во случај даночниот жител на Словенија да ги претвори своите криптовалути во една од класичните валути или да купи нешто со нив, ќе мора да плати данок по рамна стапка од 10%.

ФУРС нагласува дека профитот повеќе нема да се оданочува, што значително ќе го поедностави процесот на оданочување. Потребата за следење на сите трансакции за купување врз основа на кои се пресметува профитот ќе се елиминира. Може да има десетици илјади такви трансакции во дигиталната средина за секој корисник, што значи дека има премногу од нив за ефективно следење.

Словенечките даночни власти затоа одлучија за поинаков пристап што ќе го олесни пресметувањето на даноците и наплатата на даночните суми побрзо, а исто така и полесно.