Бордот на извршни директори на Меѓународниот монетарен фонд (ММФ) донесе одлука за склучување на тригодишен аранжман за претпазливост со Србија, дознава РТС.
Одобрениот тригодишен stand by аранжман е вреден околу 1,2 милијарди евра, а според желба на српските власти, тоа е аранжман за претпазливост. Програмата, како што се наведува, е базирана на три основни столбови: оздравување на јавните финансии, унапредување на стабилноста и флексибилноста на финансискиот сектор и спроведување на сеопфатни структурни реформи.
На овој начин се очекува да се формира солидна основа за отворање нови работни места и враќање на земјата на оддржливиот пат кон економски раст.