Српскиот министер за економија Душан Вујовиќ најави дека во иднина во јавните набавки предност на тендерите ќе имаат домашните компании во однос на странските, доколку нудат исти услови.
“Сакаме да ги смениме јавните набавки така што домашните компании при еднакви услови ќе имаат предност во однос на странските, а не 15% повисока цена, како што имаат денес. Тоа е нерационално”, изјави Вујовиќ, пишува Б92.
Министерот нагласи дека домашните фирми ќе добијат на тендер ако успеат да понудат исти услови како странските понудувачи.
