Стапката на невработеност во земјите на Организацијата за економска соработка и развој (ОЕЦД) е стабилна на историски најниско ниво трет месец по ред на 4,8 отсто во март, објави во петокот меѓународната групација.
Бројот на невработени малку се намали од февруари на 33,1 милион во март, според организацијата со седиште во Париз.
Бројката беше на или блиску до рекордно ниско ниво во само осум земји, вклучувајќи ги Канада, Франција, Германија и САД, јавува Anadolu Agency.
Стапките на невработеност во ОЕЦД за жените и мажите останаа главно непроменети на пет проценти и 4,6 проценти, соодветно.
Стапката на невработеност кај младите од 15 до 24 години се намали на 10,5 отсто во март, што е најниско ниво од 2005 година.
Најголем пад на стапката на невработеност на помладите работници е забележан во Австрија, Данска, Грција, Латвија и Шведска.
Во март и стапката на невработеност во еврозоната беше на рекордно ниско ниво од 6,5 отсто.
Фото: Freepik
