Северна Македонија, Финска и Бугарија се меѓу најзависните од руски гас на Стариот континент, станува јасно од податоците на European Union Agency for the Cooperation of Energy Regulators.
Северна Македонија користи 100% руски гас, а Финска 94%. Потребите на Бугарија се покриени со околу 77% главно од руски гас.
Во моментов, САД и ЕУ работат на стратегија за замена на испораките на природен гас за Европа, доколку Русија ја „затвори чешмата“ како резултат на противењето на западните сили околу Украина.
Според последните достапни податоци за големите европски економии, Германија увезува околу половина од својот гас од Русија, додека Франција добива само четвртина од своите испораки од земјата.
Најголем извор на Французите е Норвешка, која испорачува 35% од него. Италија исто така ќе биде меѓу најпогодените земји со 46% зависност од рускиот гас.
Обединетото Кралство е во поинаква ситуација, бидејќи половина од снабдувањето со гас го црпи од домашни извори и увезува главно од Норвешка, а исто така и од Катар. Шпанија исто така не е на руската листа на главни клиенти, со Алжир и САД како најголеми трговски партнери на земјата.
Така, доколку се воведат нови санкции на рускиот претседател Владимир Путин лично или на неговата земја, тоа би можело да предизвика енергетска криза на континентот поради зависноста на голем дел од Европа од рускиот гас што доаѓа на континентот преку гасоводи.
