СТО ја подигна проценката за раст на светската трговска размена

7

Светската трговска организација (СТО) ја зголеми проценката за раст на светската трговска размена оваа година, предупредувајќи на ризиците што ги носи недоволното производство и дистрибуција на вакцини против коронавирусот.

Трговската размена оваа година би требало да порасне за 8% по падот од 5,3% во 2020 година. Во октомври лани, СТО прогнозираше дека трговската размена во 2021 година ќе порасне за 7,2%, по падот од 9,2% во 2020 година. За 2022-ра година прогнозираат раст од 4%.

Главен двигател на растот на трговија оваа година ќе биде Северна Америка, со проценет раст на увозот оваа година од 11,4%. Следат Европа и Јужна Америка со проценет раст на увозот од околу 8%.

Фото: Freepik