Извршниот директор на автомобилската групација Stellantis, Карлос Таварес, не ја исклучува можноста за затворање на фабриките во светло на сè посилната кинеска конкуренција.
„Ако кинеските производители обезбедат 10% удел во Европа, тоа значи 1,5 милиони автомобили. Седум фабрики во нашата земја склопуваат толку многу“, истакна тој за францускиот деловен весник Les Échos.
„Не можеме ништо да исклучиме“, ги резимира зборовите на Тавареc германската новинска агенција ДПА.
Како што предупреди, со такво темпо на кинеска конкуренција, европските производители ќе мора да затворат фабрики или да им ги предадат на Кинезите.
Тој оцени дека со инвестирање во фабрики во Европа, кинеските производители ќе избегнат дополнителни европски царини. „Кога тоа ќе се случи, затворањето на фабриките поради технолошки вишок не треба да не изненадува“, додаде тој.
Stellantis, чиј чадор ги вклучува марките Peugeot, Citroen, Opel, Fiat, Chrysler и Jeep, минатиот месец ја намали својата деловна прогноза, која ја препиша на проблемите на северноамериканскиот пазар и генерално тешките услови во автомобилскиот сектор.
Таварес ќе биде на кормилото на Стелантис до почетокот на 2026 година, кога ќе се пензионира. Неговиот наследник во групата се уште се бара.
